विश्व वातावरण दिवस २०२६ को अवसरमा एनएमबी बैंक ले आफ्नो कार्यालय परिसरमा दिगो विकास लक्ष्य (Sustainable Development Goals -SDGs) झल्काउने स्थायी “SDGs वाल” स्थापना गरेको छ।

बैंकले यो पहललाई केवल सजावट वा औपचारिक कार्यक्रमको रूपमा नभई आफ्नो दीर्घकालीन रणनीतिक प्रतिबद्धताको रूपमा प्रस्तुत गरेको छ। संस्थाका अनुसार दिगोपन अब अलग गतिविधि होइन, बरु दैनिक व्यवसाय सञ्चालनको मूल आधार (Core Business Principle) हो।

नयाँ स्थापना गरिएको SDGs वालमा संयुक्त राष्ट्रसंघले निर्धारण गरेका १७ वटा दिगो विकास लक्ष्यहरूलाई दृश्यात्मक रूपमा प्रस्तुत गरिएको छ। बैंकमा प्रवेश गर्ने प्रत्येक कर्मचारी, ग्राहक तथा आगन्तुकले अब यी लक्ष्यहरूलाई प्रत्यक्ष रूपमा देख्न सक्नेछन्, जसले संस्थाभित्र दिगोपनप्रति निरन्तर सचेतना कायम राख्ने अपेक्षा गरिएको छ।

बैंकका अनुसार, जलवायु परिवर्तन, सामाजिक समावेशीकरण, दिगो आर्थिक वृद्धि, र जिम्मेवार बैंकिङजस्ता विषयहरूलाई केन्द्रमा राख्दै संस्थाले आफ्नो नीति तथा निर्णय प्रक्रियामा दिगोपनलाई समावेश गर्दै आएको छ।

SDGs वालले बैंकको कार्यालय वातावरणलाई मात्र परिवर्तन नगरी कर्मचारीहरूको सोच, निर्णय प्रक्रिया तथा कार्यसंस्कृतिमा समेत सकारात्मक प्रभाव पार्ने विश्वास व्यक्त गरिएको छ। यसले बैंकलाई दीर्घकालीन रूपमा जिम्मेवार र वातावरणमैत्री वित्तीय संस्थाको रूपमा स्थापित गर्न सहयोग गर्ने अपेक्षा गरिएको छ।

विश्व वातावरण दिवसको अवसरमा गरिएको यो पहलले निजी क्षेत्रका अन्य संस्थाहरूलाई पनि दिगोपनलाई व्यवहारमा उतार्न प्रेरणा दिने विश्वास लिइएको छ।

दिगो बैंकिङ अभ्यासमा NMB बैंक एक अग्रणी बैंक हो।